ថ្ងៃចេញផ្សាយ: April 07, 2022
chbarampovpost.com
យើងក្រឡេកទៅមើលដំណើរការរបស់មីស៊ី លល្បឿនលឿនជាងសំឡេង BrahMos របស់ឥណ្ឌា និងសិក្សា អំពីសមាសធាតុទាំងអស់របស់មីស៊ីលនេះ ។ ឥលូវនេះមកចាប់ផ្ដើម ជាមួយនឹងការណែនាំថ្មីៗអំពីមីស៊ីល ។ មីស៊ីលល្បឿនលឿន BrahMos ត្រូវបានគេចាត់ទុកថាជាមីស៊ីលដែលអាចធ្វើដំណើរក្នុង ល្បឿនលឿនបំផុតរបស់ពិភពលោកនៅពេលនេះ ដែលវាមាន ល្បឿនប្រហែល ២,៨ ដងនៃល្បឿនសំឡេងរបស់វា ។ ដែលនេះ មានន័យថាវាអាចធ្វើដំណើរក្នុងល្បឿន១គីឡូម៉ែត្រ/វិនាទី ។សូមទស្សនាវីដេអូពេញខាងក្រោម!
អ្នកនិពន្ឋ: ព័ត៌មានវិទ្យា
ថ្ងៃចេញផ្សាយ: April 07, 2022
chbarampovpost.com
 |
 |
អ្នកនិពន្ឋ: ព័ត៌មានវិទ្យា
ថ្ងៃចេញផ្សាយ: December 02, 2020
chbarampovpost.com
(ប៉េកាំង)៖ ទីភ្នាក់ងារអវកាសចិន CNSA បានប្រកាសនាថ្ងៃពុធនេះថា បេសកកម្ម Chang'e-5 របស់ចិន បានចាប់ផ្តើមការប្រមូលយកគំរូតាង (កម្ទេចដីឬថ្ម) ពីលើផ្ទៃព្រះច័ន្ទហើយ បន្ទាប់ពីចុះចតនៅទីនោះដោយជោគជ័យ។ នេះបើតាមការចេញផ្សាយដោយទីភ្នាក់ងារព័ត៌មាន ស៉ីនហួរ នៅថ្ងៃពុធ ទី០២ ខែធ្នូ ឆ្នាំ២០២០។
ទីភ្នាក់ងារ CNSA បានប្រាប់ថា យានចុះចតរបស់បេសកកម្ម Chang'e-5 បានធ្វើការខួងនិងប្រមូលយកគំរូតាងពីក្នុងផ្ទៃព្រះច័ន្ទ កាលពីវេលា០៤៖៥៣នាទីទាបភ្លឺថ្ងៃពុធនេះ ហើយអ្វីៗបានប្រព្រឹត្តទៅតាមការគ្រោងទុកទាំងអស់រហូតមកទល់ពេលនេះ។ វាបានចុះចតនៅកន្លែងទីទួលមួយហៅថា រ៉ាមឃើ (Rumker) ស្ថិតក្នុងតំបន់អូសិនណឹស ប្រូសែលឡារ៉ាម (Oceanus Procellarum) ដែលនៅភាគពាយព្យនៃចំហៀងផ្ទៃព្រះច័ន្ទ ដែលបែរមករកផែនដីជាប់ជានិច្ច ហៅថា Near Side ផ្ទុយពីចំហៀងម្ខាងទៀតហៅថា Far Side ឬ Dark Side។
គួរបញ្ជាក់ថា បេសកកម្មនេះប្រើប្រាស់វិធីសាស្រ្តពីរបែប ដើម្បីប្រមូលយកគំរូតាងពីផ្ទៃព្រះច័ន្ទ រួមមានការខួបយកពីខាងក្នុងដី និងការប្រមូលគំរូតាងដែលនៅលើផ្ទៃដីផ្ទាល់ តាមរយៈដៃយន្តមួយ។ ដើម្បីបញ្ជូនមកកាន់ផែនដីវិញ យានសម្រាប់ហោះឡើងហៅថា Ascender ដែលបានចុះទៅជាមួយយានចុះចតដែលហៅថា Lander នឹងនាំយកគំរូតាងទាំងនោះឡើងទៅឲ្យយានជាផ្កាយរណបហៅថា Orbiter ដែលនៅរង់ចាំក្នុងទីអវកាស។ ចុងបញ្ចប់ យាន Orbiter នឹងផ្ទេរយកគំរូតាងមកកាន់ខ្លួន ហើយធ្វើដំណើរឆ្ពោះមកផែនដី រួចទម្លាក់គំរូតាងចុះមក តាមរយៈយានមួយផ្សេងទៀតហៅថា Return Capsule។ នេះជាបេសកកម្មដំបូងបំផុតសម្រាប់ប្រទេសចិន នៃការទៅប្រមូលយកគំរូតាងពីទីឋានដទៃមកកាន់ផែនដីវិញ៕
អ្នកនិពន្ឋ: ព័ត៌មានអន្តរជាតិ
ថ្ងៃចេញផ្សាយ: December 01, 2020
chbarampovpost.com
សេចក្តីប្រកាសព័ត៌មានរបស់ក្រសួងការបរទេស បានឲ្យដឹងថា លទ្ធផលសំខាន់ៗនៃកិច្ចប្រជុំ មានដូចខាងក្រោម៖
កិច្ចប្រជុំបានកត់សម្គាល់អំពីវឌ្ឍនភាពនៃកិច្ចសហប្រតិបត្តិការ តាមរយៈការអនុវត្តផែនការសកម្មភាពអាស៊ាន-សហភាពអឺរ៉ុប (ឆ្នាំ២០១៨-២០២២)។
កិច្ចប្រជុំក៏បានធ្វើការផ្លាស់ប្តូរ ទស្សនៈគ្នាផងដែរលើមធ្យោបាយ និងវិធីសាស្រ្ត ដើម្បីធ្វើយ៉ាងណាឱ្យតំបន់ទាំងពីរអាចមានលទ្ឋភាពបង្កើនកិច្ចសហការ ក្នុងការដោះស្រាយបញ្ហាប្រឈមបន្ទាន់រួម ដូចជាការផ្ទុះឡើងនៃជំងឺរាតត្បាតកូវីដ-១៩ និងគ្រោះអាសន្នសុខភាពសាធារណៈនានា ការស្តារសេដ្ឋកិច្ចឡើងវិញ ក្រោយជំងឺរាតត្បាតសកល ព្រមទាំងពង្រឹងថែមទៀត នូវភាពជាដៃគូដែលមានស្រាប់។
បណ្តាប្រទេសសមាជិកអាស៊ាន បានស្វាគមន៍ការបន្តគាំទ្ររបស់សហភាពអឺរ៉ុបចំពោះមជ្ឈភាពអាស៊ាន និងការកសាងសហគមន៍អាស៊ាន និងសេចក្តីប្រកាសរបស់សហភាពផ្តល់ថវិកាចំនួន ២០លានអឺរ៉ូ ដើម្បីគាំទ្រ «កម្មវិធីសុខាភិបាលឆ្លើយតប និងការត្រៀមលក្ខណៈចំពោះជំងឺរាតត្បាតនៅអាស៉ីអាគ្នេយ៍» ដើម្បីជួយតំបន់នេះត្រៀមខ្លួនឱ្យបានកាន់តែប្រសើរថែមទៀត សម្រាប់គ្រោះអាសន្នសុខភាពសាធារណៈ នាពេលអនាគត។
បណ្តាប្រទេសសមាជិកអាស៊ានក៏បានទទួលស្គាល់ផងដែរ អំពីសារៈសំខាន់នៃវិភាគទានរបស់សហភាពអឺរ៉ុប ដែលមានទឹកប្រាក់រហូតដល់ ៥០០លានអឺរ៉ូ គាំទ្រដល់យន្តការផ្គត់ផ្គង់វ៉ាក់សាំង បង្ការជំងឺកូវីដសាកល (COVAX) ដើម្បីពន្លឿន និងពង្រីកការអភិវឌ្ឍ និងការផលិតវ៉ាក់សាំងសាកល សម្រាប់ផ្គត់ផ្គង់ដល់មនុស្សជាតិគ្រប់ៗគ្នា។
កិច្ចប្រជុំបានប្តេជ្ញាបង្កើតក្របខណ្ឌជាក់ស្តែងសម្រាប់កិច្ចព្រមព្រៀងពាណិជ្ជកម្មសេរីអាស៊ាន- សហភាពអឺរ៉ុប និងទន្ទឹងរង់ចាំការសម្រេចបានដ៏ឆាប់នូវកិច្ចព្រមព្រៀងនេះ។
កិច្ចប្រជុំបានអនុម័ត សេចក្តីប្រកាសរួមរដ្ឋមន្រ្តីការបរទេសអាស៊ាន-សហភាពអឺរ៉ុប ស្តីពីការតភ្ជាប់ ហើយបានកោតសរសើរចំពោះកិច្ចខិតខំប្រឹងប្រែង ដើម្បីស្វែងរកលទ្ឋភាពធ្វើសំយោគរវាង «ផែនការមេស្តីពីការតភ្ជាប់អាស៊ានឆ្នាំ២០២៥» និងយុទ្ធសាស្ត្រអឺរ៉ុបស្តីពី «ការតភ្ជាប់អឺរ៉ុបនិងអាស៉ី»។ កិច្ចប្រជុំ ក៏បានឯកភាពគ្នា ធ្វើការឆ្ពោះទៅសម្រេចឱ្យបានឆាប់នូវកិច្ចព្រមព្រៀង ដឹកជញ្ជូនតាមផ្លូវអាកាសគ្រប់ជ្រុងជ្រោយអាស៊ាន-សហភាពអឺរ៉ុប (CATA) ផងដែរ។
ក្នុងអំឡុងពេលនៃកិច្ចប្រជុំនេះ ឧបនាយករដ្ឋមន្រ្តី ប្រាក់ សុខុន បានកោតសរសើរតួនាទីយ៉ាងសកម្មរបស់សហភាពអឺរ៉ុប ក្នុងការគាំទ្រកិច្ចខិតខំប្រឹងប្រែងជាសកល ដើម្បីប្រយុទ្ធប្រឆាំងនឹងជំងឺរាតត្បាតកូវីដ-១៩ និងកាត់បន្ថយផលវិបាកសេដ្ឋកិច្ច-សង្គម ដែលបង្កឡើងដោយសារជំងឺនេះ។ លោកឧបនាយករដ្ឋមន្រ្តី ក៏បានសង្កត់ធ្ងន់ផងដែរអំពីសារៈសំខាន់នៃការគាំទ្ររបស់សហភាពអឺរ៉ុបចំពោះគំនិតផ្តួចផ្តើមបច្ចុប្បន្នទាំងឡាយរបស់អាស៊ាន ដើម្បីពង្រឹងការត្រៀមលក្ខណៈសម្រាប់គ្រោះអាសន្នសុខភាពសាធារណៈនានា នៅក្នុងពេលអនាគត។
សម្រាប់វិស័យសេដ្ឋកិច្ច លោកឧបនាយករដ្ឋមន្ត្រី បានសាទរចំពោះកិច្ចខិតខំប្រឹងប្រែងដើម្បីសម្រេចឱ្យបាននូវកិច្ចព្រមព្រៀងពាណិជ្ជកម្មសេរីអាស៊ាន-សហភាពអឺរ៉ុប ដែលលោកជឿជាក់ថា ជាគន្លឹះ ដើម្បីសម្រេចបាននូវសក្តានុពលធុរកិច្ច និងវិនិយោគ ដែលជាមូលដ្ឋានគ្រឹះដ៏សំខាន់សម្រាប់កសាងទំនាក់ទំនងអាស៊ាន-សហភាពអឺរ៉ុប ឱ្យកាន់តែរឹងមាំថែមទៀត។
លោកបានស្វាគមន៍ការលើកកម្រិតទំនាក់ទំនងដៃគូសន្ទនាអាស៊ាន-សហភាពអឺរ៉ុប ទៅជាភាពជាដៃគូយុទ្ធសាស្ត្រ ដែលត្រូវបានសម្រេចក្នុងកិច្ចប្រជុំនេះ ដោយជឿជាក់ថា សមិទ្ធផលថ្មីនេះនឹងជួយពង្រឹងថែមទៀតនូវទំនាក់ទំនងមិត្តភាព និងកិច្ចសហប្រតិបត្តិការដែលមានប្រយោជន៍ទៅវិញទៅមកនាពេលកន្លងមក៕
ខាងក្រោមនេះជាសេចក្តីប្រកាសព័ត៌មានរបស់ក្រសួងការបរទេស៖
អ្នកនិពន្ឋ: ព័ត៌មានជាតិ
ថ្ងៃចេញផ្សាយ: December 01, 2020
chbarampovpost.com
របាយការណ៍ខាងលើរបស់ទីភ្នាក់ងារការពារជាតិអឺរ៉ុប បានបញ្ជាក់ទៀតថា ជម្លោះកាលពីពេលថ្មីៗនៅក្នុងតំបន់មជ្ឈិមបូព៌ា និងតំបន់ខូកាស៊ូស (Caucasus ជាតំបន់ចន្លោះសមុទ្រខ្មៅ និងឈូងសមុទ្រពែក្ស) បានបញ្ជាក់យ៉ាងច្បាស់ពីភាពគ្រោះថ្នាក់ នៃយន្ដហោះដ្រូន ដែលត្រូវបានគេប្រើប្រាស់ នៅក្នុងសមរភូមិប្រយុទ្ធ ហើយដែលនេះចាំបាច់តម្រូវឱ្យអាមេរិក និងសហភាពអឺរ៉ុបអភិវឌ្ឍអាវុធ ដែលមានសមត្ថភាពប្រឆាំងយន្ដហោះដ្រូន។
គួរបញ្ជាក់ថា សហរដ្ឋអាមេរិកក៏ធ្លាប់បានអំពាវនាវស្រដៀងគ្នានេះដែរ បន្ទាប់ពីប្រព័ន្ធមីស៊ីល ផាទ្រីយ៉ូត (Patriot) របស់ខ្លួន បរាជ័យក្នុងការការពាររោងចក្រប្រេងចំនួន ០២កន្លែងរបស់អារ៉ាប៊ីសាអូឌីត ពីការវាយប្រហារដោយយន្ដហោះដ្រូន កាលពីខែកញ្ញា ឆ្នាំ២០១៩ កន្លងទៅនេះ។ ចាប់តាំងពីពេលនោះមក មន្ទីរបញ្ចកោណនៃសហរដ្ឋអាមេរិក បានបង្កើនការអភិវឌ្ឍ ប្រព័ន្ធអាវុធប្រឆាំងយន្ដហោះដ្រូនចំនួន ០៥ ក្នុងឆ្នាំ២០២០នេះ៕
អ្នកនិពន្ឋ: ព័ត៌មានអន្តរជាតិ
